http://www.today.kz http://www.today.kz/kz/news/world/2012-05-17/28105 Солтүстік Кореяның желтоқсан айындағы үзілістен соң ядролық реактор жасауға қайта кіріскені көрінеді Thu, 17 May 2012 19:01:00 +0600 Оңтүстік Кореяның ақпарат құралдары бейсенбіде Солтүстік Кореяның ядролық реактор жасау жұмысын қайта бастағанын хабарлады. Джон Хопкинс университетінің америка-оңтүстік кореялық институтының 38North веб-сайтының хабарлауынша, 30 сәуірде спутник арқылы түсірілген суреттерде Солтүстік Кореяның желтоқсан айындағы үзілістен соң ядролық реактор жасауға қайта кіріскені көрінеді. Веб-сайт "Ғарыштан түсірілген реактордың прототипі мен Йонбенедегі уран байытатын зауыт Пхеньянның ядролық арсеналын күшейтуге шындап кіріскенін көрсетеді" дейді.  Сайт бұған қоса реактордың екі жыл ішінде іске қосылатынын да болжап отыр. Сәуірде Солтүстік Кореяның ғарышқа спутник алып ұшқан зымыраны жер орбитасына шыға алмай, мұхитқа құлаған еді. Батыс елдері Пхеньянды "БҰҰ-ның санкциясын бұзып, әскери зымыран ұшырды" деп айыптаған болатын. http://www.today.kz/kz/news/life/2012-05-17/28104 Оңтүстік Қазақстан облысы Кедендік бақылау департаментінің қызметкерлері облыстық «Өмірге үміт сыйла» атты акцияның аясында донор атанды Thu, 17 May 2012 16:58:00 +0600 Оңтүстік Қазақстан облысы Кедендік бақылау департаментінің қызметкерлері облыстық «Өмірге үміт сыйла» атты акцияның аясында донор атанды, деп хабарлады ведомствоның баспасөз қызметі. «Қан орталығының өтініші бойынша біздің қызметкерлер акцияға қатысып, қан тапсыруға бел буды. Бір күннің ішінде орталыққа жүздеген адам барды, соның нәтижесінде шамамен 30 литр қан жиналды», - деді ОҚО бойынша КБК-нің баспасөз хатшысы Баян Каюпова. Ол сондай-ақ қан тапсыру үрдісі бүгінгі күні де жалғасып жатқандығын айтты. «Қызметкерлеріміздің көбісі ауысыммен жұмыс істейді. Сондықтан да олар мүмкіндігінше тезірек келіп, игі бастамаға өз үлестерін қосуды қалайды», - деді баспасөз хатшысы. Қан орталығында хабарлағандай, негізінде теріс резус факторындағы қан керек. http://www.today.kz/kz/news/sport/2012-05-17/28103 Мамырдың 19-ы күні Қазақстанда «Олимпиада күні» іс-шарасы өтеді Thu, 17 May 2012 16:45:00 +0600 Мамырдың 19-ы күні Қазақстанда «Олимпиада күні» іс-шарасы өтеді. Оның аясында барлық облыс орталықтарында, сондай-ақ Астана және Алматы қалаларында сан алуан спорт сайыстары ұйымдастырылады. Бұдан басқа, «Олимпиадалық жарыстар» тақырыбында суреттер конкурсы, «2012 Лондон Олимпиадасы» зияткерлік ойыны, ұлттық спорт түрлерінен арнайы жарыстар өткізу жоспарланған. «Олимпиада күні» іс-шарасына қатысқандардың барлығына Халықаралық Олимпиада комитетінің президенті Жак Роггенің қолы бар куәліктер, ал жеңімпаздарға ҚР Ұлттық Олимпиада комитетінің арнайы сыйлықтары табысталады. Сондай-ақ демеушілердің жеке сый-сыяпаттары таратылады. Айта кетейік, бұған дейін «Олимпиадалық жүгіру күні» ретінде аталып өткен мейрам соңғы жылдары «Олимпиада күні» болып тойланып келеді. Себебі оның аясында тек жүгіру жарыстары ғана емес, сонымен қатар спорттың басқа да түрлері бойынша сайыстар өткізіледі. Негізгі мақсат - халық арасында салауатты өмір салтын насихаттап, барлық қазақстандықтарды спортқа тарту. http://www.today.kz/kz/news/kazakhstan/2012-05-17/28102 Мен өз ісімді жалғастырушы Франция мен Қазақстан арасындағы тамаша әріптестікті дамытады деп шын ниетіммен тілеймін Thu, 17 May 2012 16:32:00 +0600 Мемлекет басшысы Нұрсұлтан Назарбаевтың атына Францияның экс-президенті Николя Саркозиден жауап хат келді, деп хабарлады президент баспасөз қызметі. «Мен өз ісімді жалғастырушы Франция мен Қазақстан арасындағы тамаша әріптестікті дамытады деп шын ниетіммен тілеймін. Бұл президенттік мандатым арқылы қол жеткізген маңызды жетістіктің бірі екенін өте мақтан етемін», - деп жазады Ақ орданың ресми сайты Н. Саркозидің сөзін келтіре отырып. «Біздің елдеріміз арасындағы тиімді ынтымақтастық Қазақстанды Орталық Азиядағы көшбасшы ретінде танытып, оның халықаралық аренадағы позициясын нығайтқан Сіздің мемлекет қайраткері ретіндегі көрегенділігіңіз бен бірегей қасиетіңіздің арқасында мүмкін болды», - деп атап өткен Николя Саркози. Сонымен қатар Францияның экс-президенті Нұрсұлтан Назарбаевпен өзі өте бағалайтын достық қарым-қатынастарын сақтауға және нығайтуға деген ниетін білдірген», - деп көрсетілген Қазақстан елбасына жолдаған хатында. http://www.today.kz/kz/news/culture/2012-05-17/28101 Әйгілі әнші Майкл Джексонның концерттік костюмдері дүниежүзіне сапар шегеді. Оңтүстік Америка елдерінен басталатын турне Еуропаны басып өтіп, Азиямен аяқталады Thu, 17 May 2012 16:25:00 +0600 Әйгілі әнші Майкл Джексонның концерттік костюмдері дүниежүзіне сапар шегеді. Оңтүстік Америка елдерінен басталатын турне Еуропаны басып өтіп, Азиямен аяқталады. Reuters-тің хабарлауынша, Джек­сонның костюмдері мамыр­дың 18-інде Чили астанасы Сан­тья­года көрмеге қойылады. Бұдан әрі ол Еуропа мен Азия елдеріне жол тартады. Костюмдер коллек­циясы құрамында кристалмен бе­зендірілген әйгілі ақ қолғап, ми­литари стиліндегі пиджак, күміс түсті леотард т.б. барлығы 100 шақ­ты киім-кешек бар. Оларды әншіге қызмет еткен дизайнерлер Дэннис Топкинс пен Майкл Буш жасаған. Костюмдердің көбін Джек­­­сон қолтаңба қойып, дизай­нерлердің өзіне қайтарған. Әлем­нің түкпір-түкпірінде көрмеге қойылатын жәдігерлер желтоқсан айында Беверли-Хиллздағы Julien's Auctions бәс­саудасына шығары­лады. Поп-музыка королі тұтынған бұйымдар бұған дейін де бірнеше рет бәссаудаға қойылған болатын. 2009 жылы кристалл қолғап­тардың бір сыңары 330 мың долларға сатылып кеткен. http://www.today.kz/kz/news/kazakhstan/2012-05-17/28100  деп хабарлады «ҰМХ» АҚ басқарма төрағасының орынбасары Ләззат Ақтаева Thu, 17 May 2012 16:12:00 +0600 Қазақстанның ұлттық медициналық холдингінің (ҰМХ) барлық емханалары медициналық туризмге 2014 жылы дайын болады, деп хабарлады «ҰМХ» АҚ басқарма төрағасының орынбасары Ләззат Ақтаева. «2014 жылы холдингтің барлық клиникалары белгілі бір дайындықтан кейін JCI аккредитациясынан өтеді, яғни кластер толығымен медициналық туризм үшін тартымды болады», - деп мәлім етті Л. Ақтаева бейсенбі күні Қазақстанның туроператорларымен кездесудің қорытындысы бойынша. Баспасөз қызметінің хабарлауынша, 2012 жылдың ақпанында ұлттық холдингтің бір клиникасы ұлттық ана мен бала ғылыми орталығы посткеңестік кеңістікте бірінші болып Joint Commission International (JCI) халықаралық аккредитациясын алды. 2011 жылы холдингте 42 инновациялық технология енгізілді, оның ішінде бүйрек, жілік майын ауыстыру, «жасанды» жүрек салу бойынша операциялары бар. Үстіміздегі жылдың сәуірінде Қазақстанда алғаш рет ұлттық ана мен бала ғылыми орталығының базасында өткір миелобластық лейкозы бар балаға жілік майының аллогендік трансплантациясы жасалды. Өткен жылы 30 мыңнан аса қазақстандық ұлттық медхолдингтің клиникаларында емделген, соның ішінде 2,5 мыңнан аса пациентке инновациялық технологияларды пайдалану арқылы көмек көрсетілді. Сондай-ақ, 150-ге жуық қазақстандық маман әлемнің озық шетелдік клиникаларында тәжірибе жинақтады. Бұрын хабарланғандай, ҚР үкіметі денсаулық сақтау министрлігіне және Астана әкімдігіне осы бағыттағы жұмыс жоспарын пысықтауды тапсырған. 2011 жылы 300-ге жуық шетелдік Қазақстан емханаларында емделген. Негізінен бұл жақын шетелдердің, Орталық Азия елдерінің және Ресейдің шығыс бөлігінің азаматтары. JCI аккредитациясы пациентті емдеу сапасының және оның қауіпсіздігінің «алтын стандарты», медициналық ұйым үшін танылғанының ең биік белгісі. JCI өз елінен шығып, жоғары сапалы медициналық қызмет іздеген турист-медициналық пациенттердің сенім кепілі ретінде бағаланады. http://www.today.kz/kz/news/world/2012-05-17/28099 Thu, 17 May 2012 16:00:00 +0600 Бейсенбіде Гаагадағы бұрынғы Югославия бойынша өтіп жатқан халықаралық сотта босниялық сербтердің бұрынғы бас қолбасшысы 70 жастағы Ратко Младичтің ісін қарау екінші күнге жалғасты. Соттың алғашқы күнінде тергеу өкілдері Младич 1990 жылдары Балқан соғысы кезінде Босниялық этникалық қырғынға жауапты деп тапқан болатын. Прокурордың сөзінше, қатаң қуғын-сүргіннің тікелей Ратко Младичтің бұйрығымен жүргізілгенін дәлелдейтін құжаттар бар. Ратко Младичке жиыны 11 бап бойынша айып тағылып отыр. Олардың ең бастысы - 1995 жылы Сребрениц қаласында сегіз мыңға тарта мұсылман ерлері мен жастарын қырғаны үшін тағылған айып. Бұл бойынша Младичке өмір бойы түрмеде отыру жазасы кесілуі мүмкін. Бірақ Ратко Младич өзіне тағылған айыптарды мойындамайды. http://www.today.kz/kz/news/kazakhstan/2012-05-17/28098 Өткізілген сұхбаттар барысында парламентаралық ынтымақтастық мәселесіне айырықша назар аударылды Thu, 17 May 2012 15:49:00 +0600 Қазақстан Республикасы парламенті мәжілісінің төрағасы Нұрлан Нығматулин мен Қырғыз Республикасы жоғарку кенешінің төрағасы Асылбек Жээнбеков екі елдің арасындағы стратегиялық әріптестікке дайын екендерін қуаттады, деп хабарлайды мәжілістің баспасөз қызметі. Н. Нығматулин 16-17 мамыр күндері Санкт-Петербор қаласында өтіп жатқан ТМД парламентаралық ассамблеясының іс-шаралары аясында бірқатар екі жақты кездесулер өткізді. Өткізілген сұхбаттар барысында парламентаралық ынтымақтастық мәселесіне айырықша назар аударылды. «ҚР парламенті мәжілісінің төрағасы Нұрлан Нығматулин мен Қырғыз Республикасы жоғарку кенешінің төрағасы Асылбек Жээнбеков екі ел парламентшілері алдағы стратегиялық әріптестіктерін нығайтып, көршілік қарым-қатынастарын өз қызметтерімен көріктендіре түсетіндіктерінің тағы бір белгісін танытты», - делінген бейсенбі күні таратылған ақпаратта. «Тараптар Қазақстан мен Қырғызстан президенттері арасындағы келісімдерін іске асыруда жеткен жетістіктерін заң жүзінде қамтамасыз ету» қажеттігін атап өтті. http://www.today.kz/kz/news/incident/2012-05-17/28097 Алматы облысында 17 жастағы бойжеткенді зорлау фактісі бойынша күдікті ұсталды Thu, 17 May 2012 15:38:00 +0600 Алматы облысындағы Сарқанд АІІБ-нің полицейлері Екіаша ауылындағы 17 жасар бойжеткенді зорлаған күдіктіні екі тәулік бойы анықтауға тырысты. Облыстық ІІД-нің баспасөз қызметінен хабарлағандай, күдіктінің келбеті туралы аз ғана ақпараты бар полицейлер жедел шаралар барысында қылмысқа қатысы бар 29 жастағы ер адамды ұстады. Ұсталған азамат мойындау түсініктерін беріп, жыныстық қатынастың өзара келісіммен болғанын түсіндірді. Күдіктінің түсініктері қаншалықты шындыққа жанасатындығы аталмыш факті бойынша қозғалған қылмыстық істі тергеу барысында анықталады.  Ұсталған азамат тергеу амалдары жүргізілгенше ешқайда кетпеу туралы қолхатты толтырған соң, жіберілді. http://www.today.kz/kz/news/life/2012-05-17/28096 деп хабарлайды Алматы облыстық денсаулық сақтау басқармасы Thu, 17 May 2012 15:30:00 +0600 Алдынғы қатарлы кардиохирург Ерлан Мәшімбаев бастаған алматылық хирургтар бригадасы 1,5 айдың ішінде Талдықорғанның «Облыстық кардиологиялық орталығында» жүрекке ашық әдіспен 30 операция жасады, деп хабарлайды Алматы облыстық денсаулық сақтау басқармасы. «Алматы облысы халқының саны 2 млн-ға жуық. ДСҰ стандарттарына сәйкес, бір миллион халыққа жылына 1000 операция жасалуға тиіс. Бұл жердегі қажеттілік - 2000», - деді Е. Мәшімбаев. Пациенттердің жүрек тамырларындағы қанның ағысын қалпына келтіруге көмектесетін стентирлеу және аортокоронарлық шунттеу операциялары мемлекеттік тапсырыс шеңберінде тегін жасалады. Бұдан басқа, жүрек кақпақшаларын және шығу аорталарын ауыстыруды да иәжірибе енгізу көзделген. «Облыстық кардиология орталығының» бас дәрігері Рахымберді Сұлтанбековтың хабарлауынша, туа біткен жүрек ақауларын жоюмен айналысатын балалардың кардиохирургия бөлімін ашу жоспарда бар. Ол кардиохирург Е. Мәшімбаевтың Мәскеуде Ресейдің медициналық ғылымдар академиясының академик Н. Н. Бурденко атындағы нейрохирургия ғылыми-зерттеу институтында, А. Н. Бакулев атындағы жүрек-қан тамырлары ғылыми орталығында жұмыс істегенін жеткізді. 4 жыл Астанадағы ұлттық кардиология орталығында тәжірибе жинақтаған және Алматы қ. кардиоорталығының базасындағы кардиохирургия бөлімінің негізін қалаушы болып табылады, онда бір жарым жылдың ішінде 126 операция жасаған. http://www.today.kz/kz/news/incident/2012-05-17/28095 Арнайы техникалық құралды заңсыз сатумен айналысқан Петропавл тұрғыны қолға түсті. Thu, 17 May 2012 15:19:00 +0600 Арнайы техникалық құралды заңсыз сатумен айналысқан Петропавл тұрғыны қолға түсті. BNews.kz сайтынан. СҚО ҰҚКД мен ұйымдасқан қылмыспен күрес басқармасы қызметкерлері бірлесіп қолға алған Трафикке жол жоқ» жедел - алдын алу шарасы барысында арнайы техникалық құралдарды заңсыз жолмен сатқан СҚО тұрғынын қолға түсті, - деп мәлімдеді мекеме қызметкерлері. Полицейлердің ақпаратына қарағанда, дыбыс және бейне техникаларын сатумен айналысатын 43 жасар кәсіпкер ешбір рұқсат құжаттарынсыз диктофон және бейнекамерасы бар қаламсап сатып келген. Ол өзінің көлігінің ішінде осындай қаламсапты сату үстінде қолға түсті. Көлікті тінту барысында дыбыс және бейне жазу құрылғысы бар 26 қаламсап тәркіленді, - дейді СҚО ІІД ұйымдасқан қылмысқа қарсы күрес басқармасының бастығы, полиция полковнигі Ермек Тәттібаев. Қолға түскен қызылжарлық кәсіпкер мұндай қаламсапты оған тауармен бірге туысқандары беріп жібергенін мәлімдеген. Қазір ол ешқайда кетпеу жөнінде қолхат жазып, босатылды. Сараптама тағайындалып, оның қортындысы бойынша кәсіпкердің жауапкершілігі анықталады, - деді ІІД баспасөз қызметінде.   http://www.today.kz/kz/news/kazakhstan/2012-05-17/28094 Қираулар мен қаза болғандар туралы мәлімет түскен жоқ. Thu, 17 May 2012 15:10:00 +0600 17 мамырда 12:01-де Алматының оңтүстік-шығысында жер сілкінісі болды, деп хабарлады ҚР білім және ғылым министрлігінің ғылым комитетінің «Сейсмологиялық тәжірибелік-әдістемелік экспедиция» ММ-сінің баспасөз қызметі. «Зілзала кіндігі Алматы қаласының оңтүстік-шығысында 128 км қашықтықта тіркелді. Күші 2 - 3 балдық жер асты дүмпулері Жалаңаш, Саты және Құрметті ауылдарында сезілді», - делінген бейсенбі күні таратылған ақпаратта. Баспасөз қызметінің мәліметтеріне сәйкес, қираулар мен қаза болғандар туралы мәлімет түскен жоқ. http://www.today.kz/kz/news/science/2012-05-17/28093 ВИЧ инфекциясы бар адамдардың жүрек талмасынан өліп кету қаупі өзгелерден төрт есе жоғары болады. Мұны Калифорния университетінің ғалымдары анықтады Thu, 17 May 2012 15:00:00 +0600 ВИЧ инфекциясы бар адамдардың жүрек талмасынан өліп кету қаупі өзгелерден төрт есе жоғары болады. Мұны Калифорния университетінің ғалымдары анықтады. Ғалымдар Сан-Францис­ко­дағы қорғаныш тапшылығы вирусын жұқтырған 2860 адам­ды 10 жыл бойы зерттеген. Осы уақыт ішінде науқастардың 8%-ы көз жұмған. Өлім себеп­терінің 15%-ы жүрек ақауынан болған. Ал бұлардың ішінде оқыс жүрек талмасынан қайтыс болғандардың үлес салмағы 86%-ды құрайды. Кардиолог, медицина ғылымының докторы, профессор Цзянь Чеңнің айтуынша, адамдардың жас шамасын, ұлттық, демографиялық ерекшеліктерін есепке ала келгенде, ВИЧ-инфекциясымен ауыратын науқастардың жүрек талмасынан қайтыс болу көрсеткіші өзгелерге қарағанда төрт есе жоғары екені анықталған. http://www.today.kz/kz/news/sport/2012-05-17/28092 Бокстан Қытайда өтіп жатқан әйелдер арасындағы әлем чемпионатында қазақстандық Марина Волнова ширек финалға шығып, олимпиада жолдамасын иеленді Thu, 17 May 2012 14:48:00 +0600 Бокстан Қытайда өтіп жатқан әйелдер арасындағы әлем чемпионатында қазақстандық Марина Волнова ширек финалға шығып, олимпиада жолдамасын иеленді. Марина ширек финалға дейін түрік Элиф Гунериді (11:10) және голландиялық Ноушка Фонтинді (19:18) ұтты. Ал бүгін боксшымыз ширек финалда орыс Надежда Торлоповаға жол берген 11:19. Бұған қарамастан, ол бұл салмақтағы Азия құрлығына берілер жалқы жолдаманы иеленді.Тағы бір, лицензиядан үмітті қытайлық боксшы қарсыласына өте ірі есеппен жол бергендіктен, жолдама бізге бұйырды. http://www.today.kz/kz/news/kazakhstan/2012-05-17/28091 Ұлыбританияның жоғарғы соты БТА банкінің бұрынғы басшысы, қуғындағы бизнесмен Мұхтар Әблязовке соттың 16 ақпандағы өзін "сотты құрметтемегені үшін" 22 айға соттаған үкіміне шағымдануға рұқсат берді Thu, 17 May 2012 14:35:00 +0600 Ұлыбританияның жоғарғы соты БТА банкінің бұрынғы басшысы, қуғындағы бизнесмен Мұхтар Әблязовке соттың 16 ақпандағы өзін "сотты құрметтемегені үшін" 22 айға соттаған үкіміне шағымдануға рұқсат берді деп хабарлайды Bloomberg ("Блумберг") басылымы. Сот 16 ақпандағы үкімінде Әблязовтың активтерін құрсаулап, өзін тұтқындауға шешкен. . Бұған дейін БТА банкінің қорғаушылары Әблязов соттан қашып жүргендіктен үкімге шағымдану құқығынан айырылуы тиіс деген болатын. Ақпанның 24-і күні БТА банкі өкілдері Ұлыбритания жоғарғы сотынан «Әблязов екі апта ішінде сотқа келмесе, оны қаржы жымқыру ісіне байланысты қорғану құқынан айыруды» сұраған. Лондон соты оны 9 наурызға дейін Ұлыбританияның құқық қорғау органдарына берілмесе, үкімге шағымдану құқығынан айырылатыны турасында қаулы шығарған. Бірақ, Әблязовтің апелляциялық шағымды 8 наурызда бергендіктен, сот оған шағымдану құқығын берді. http://www.today.kz/kz/news/kazakhstan/2012-05-17/28090 Одақ қандай да бір билікке жетуді, я оппозиция болуды көздемейді Thu, 17 May 2012 14:22:00 +0600 Алматыда "Тәуелсіз қазақ қаламгерлері одағы" құрылды деп хабарлайды одақтың үйлестірушісі, журналист Ардабек Солдатбай. Азаттық тілшісіне сұхбатында Ардабек Солдатбай "Одақтың басты мақсаты - қазақ интеллигенциясының қоғамды алға сүйреуші күш ретіндегі қызметін қайта қалпына келтіру. Одақ қандай да бір билікке жетуді, я оппозиция болуды көздемейді. Кез келген демократиялы қоғамдағы секілді журналистиканы және өзге де сөз сөз иелерін шын дәрежесіндегі үшінші күшке айналдырумыз керек" деді. Ұйымдастырушылар таратқан мәлімдемесінде "Ресейде Навальный секілді виртуальды журналистер, Акуниндей жазушылар ел мүддесін ойлап жатқанда, қазақ зиялыларының үн-түнсіз, бұғып жатқанын" айтып, тәуелсіз қазақ қаламгерлері одағын құруды жөн санағандарын жазған. http://www.today.kz/kz/news/incident/2012-05-17/28089 Мұнайды құбырға қосылу арқылы ұрлайды Thu, 17 May 2012 14:11:00 +0600 Қаржы полициясы заңсыз айналымнан 10 мың тонна мұнай мен Т313 млн ақша тәркілеген, деп хабарлады ҚР экономикалық қылмыспен және сыбайлас жемқорлықпен күрес агенттігінің баспасөз қызметі. «Заңсыз айналымнан 10 мың тоннаға жуық мұнай мен мұнай өнімдері, 313 млн теңге көлеміндегі заңсыз кіріс тәркіленді», - делінген қаржы полициясының бейсенбі күні таратқан баспасөз хабарламасында. Баспасөз қызметінің ақпаратына сәйкес, 2010 жылдан бастап қаржы полициясының органдары мұнай мен мұнай өнімдерінің заңсыз айналымы саласында 203 қылмыстық іс қозғаған. Мұнайды құбырға қосылу арқылы ұрлайды. Одан кейін оны шағын цехтарда өңдеп, сатады. «Қылмыскерлер ұрланған мұнайды сатып, миллиондаған соманың заңсыз кірісін табады», - делінген ақпаратта. Қаржы полициясының мәліметтеріне сәйкес, қаржы жалған кәсіпорындардың есепшоттары арқылы қолма-қол ақшаға айналдырылады. http://www.today.kz/kz/news/incident/2012-05-17/28088 Ұрланған мұнайды сатудан қылмыскерлер миллиондаған сомада заңсыз табыс алады. Thu, 17 May 2012 14:00:00 +0600 Ұрланған мұнайды сатудан қылмыскерлер миллиондаған сомада заңсыз табыс алады. Бұл туралы бүгін ҚР Экономикалық қылмысқа және сыбайлас жемқорлыққа қарсы күрес агенттігінде өткен брифинг барысында ресми өкілі Мұрат Жұманбай мәлім етті. Мәселен, ресми өкілдің айтуынша, Батыс Қазақстан облысында шартты түрде 4 жылға бас бостандығынан айыру жазасына  Кажипанов сотталған. Ол  «Қаршығанақ өңдеу кешені - Ұлкен Шаған - Атырау» құбырынан 18,7 млн. теңге сомасының 288 тонна шикі мұнай ұрлап, бірнеше кәсіпорындарға жалған құжаттар арқылы сатқан. Сондай-ақ Қызылорда облысында «Қызылорда-Алатау» ЖШС-нің директоры Өтепбергеновке қатысты іс сотқа тапсырылды. Ол 2011 жылғы тамыз-желтоқсан аралығында «Қазалы» стансасынан «Армавир ImpEx Oil» және «Сары-Арқа 2007 KZ» ЖШС-іне заңсыз жолмен сатып алынған 789 тонна мұнай қалдықтарының қоспаларын сатып, ол үшін 46,5 млн. теңге алған деп айыпталуда. Қызылорда облысында «Керуен Модус Трейд» ЖШС директорына қатысты іс те  сотқа тапсырылды. Ол 2010 жылғы қарашада Қызылорда стансасынан Қаратау стансасына сұйық жанармай ретінде тіркелген құны 45 млн. теңгені құрайтын 649 тонна шикі мұнаймен толтырылған 11 вагон-цистернаны жібермекке әрекеттенген деп айыпталуда, - деді ол. http://www.today.kz/kz/news/world/2012-05-17/28087 Францияның жаңа Үкіметі өз жұмысын Министрлер кеңесінің отырысынан бастайды Thu, 17 May 2012 13:46:00 +0600 Францияның жаңа Үкіметі өз жұмысын Министрлер кеңесінің отырысынан бастайды. Талқыға түсетін алғашқы мәселе Министрлер кабинеті мүшелерінің жалақыларын бірден 30 пайызға қысқарту жөнінде болмақ. ИТАР-ТАСС ақпаратына сәйкес, жаңа президент Франсуа Олландтың сайлауалды уәделерінің бірі болған аталмыш шара Үкіметтік қаулы ретінде ресми түрде рәсімделеді. Соның ішінде Мемлекет басшысының өзінің жалақысы үштен бірге қысқарады. Елдің премьер-министрі Жан-Марк Эйро хабарлағандай, жаңа Үкіметтің алғашқы шешімдерінің ішінде кабинет жұмыскерлерінің беделін жақсартуға бағытталған бірқатар шаралар болады. «Мен сондай-ақ министрлер құзыреттерін орындау кезінде өздерін үлгі аларлықтай ұстауы үшін кәсіби этика хартиясын қабылдауды ұсынамын», - деді премьер-министр. Атап өтейік, жаңа Үкіметтің құрамы Президент пен Премьер арасындағы ұзақ кеңестен кейін мәлімделген еді. Оған 34 министр кірді, олардың ішінде 30-ының қандай да бір ведомство басшысы ретінде жұмыс тәжірибесі болмаған. http://www.today.kz/kz/news/incident/2012-05-17/28085 Осыған ұқсас бұзушылықтар аурухананың дәріханасында да анықталған Thu, 17 May 2012 13:30:00 +0600 Облыстық ІІД-нің есірткі бизнесіне қарсы күрес қызметкерлері Мартөк аудандық ауруханасында қылмыстық жауапкершілікті қарастыратын бірқатар бұзушылықтарды анықтады. Ведомствоның баспасөз қызметінің хабарлауынша, тексеру кезінде аурухананың есірткілік, елітетін заттар айналымына, есірткіні сақтау үшін бөлмеге рұқсат, сондай-ақ есірткілік заттармен жұмысқа жіберілген тұлғалар тізіміне мемлекеттік лицензиясы болмады. Полицейлер «Промедолдың» 29 ампуласын, «Фентанилдың» 45 ампуласын және «Брюзепамның» 21 ампуласын анықтады. Осыған ұқсас бұзушылықтар аурухананың дәріханасында да анықталған. Мұнда «Промедолдың» 170 ампуласы, «Фентанилдің» 5 ампуласы, «Брюзепамның» 840 еліткіш дәрісі табылды. Аталған факті бойынша ҚР ҚК-нің 265 бабы («Есірткілік заттарды қолдану ережелерін бұзу») бойынша қылмыстық іс қозғау мәселесі шешілуде. http://www.today.kz/kz/news/life/2012-05-17/28084 Бұл туралы бүгін Алматыда өз жұмысын бастаған VIII халықаралық PR форумда айтылды Thu, 17 May 2012 13:17:00 +0600 Қазақстандықтар  қазіргі таңда  ақпараттың 45 пайызын интернеттен алады. Бұл туралы бүгін Алматыда өз жұмысын бастаған VIII халықаралық PR форумда айтылды. «DASM компаниялар тобының стратегиялық медиа-жоспарлау бойынша директоры Денис Филенковтың сөзіне қарағанда, Қазақстанда соңғы бес жылда интернет аса жоғары қарқынмен дамуда. Мәселен 2006 жылы халық ақпараттың  10 пайызын ғаламтордан алатын. Қазір бұл көрсеткіш  45 пайызға дейін жетіп отыр. Ол екінші медиаға айналды. Бұл мәселе алдағы екі күннің ішінде дәстүрлі форум кезінде  жан-жақты талқыға түспек.  Онда: «On-line және Off-line: мүмкіндіктер шекарасы», «Дағдарысқа қарсы коммуникациялар», «SMM. Даму жолдары» деген тақырыпта  панелдік пікірталастар. «Тиімді қаржылық коммуникациялар. ІРО және халықтық ІРО», «Сәтті корпоративті PR Event-тің баламалы технологиялары» cекциялық мәжілістері. «Қиын аудиториямен жұмыс жасау технологиялары», «The social enterprise: like riding a bike» шеберлік сыныптары   жоспарлануда. http://www.today.kz/kz/news/science/2012-05-17/28083 Бұдан былай мектеп бітіруші түлектер, екі мәрте ұлттық біріңғай тестілеуден өтетін болады. Thu, 17 May 2012 13:03:00 +0600 Бұдан былай мектеп бітіруші түлектер, екі мәрте ұлттық біріңғай тестілеуден өтетін болады. Алғашқысы, мектеп тәмамдағанда, ал соңғысы жоғары оқу орнына түсу кезінде. Өйткені, болашағын саралайтын сәтте, бір ғана кешенді тест тапсыратын талапкерлер, шын мәнінде таңдаған мамандықтарына мән бермейтін көрінеді. Еліміздің білім саласындағы жаңалықтарын жоғары оқу орындары қауымдастығының президенті Рахман Алшанов тілшілерге арнайы жеткізді. Бүгінде пилоттық жобаны жүзеге асыру шешімі қабылданып қойған. Бұл жаңашылдық әсіресе түлектердің ата-аналары мен психолог мамандардың наразылығын тудырған. Сондай-ақ, Білім министрі Бақытжан Жұмағұловтың "Колледж түлектері де кешенді тестілеуден өтеді " деген сөзіне, бұған дейін оқуларын жоғары оқу орындарында еш кедергісіз жалғастырып келген студенттер қарсы шыққан еді. Алайда кеш айтылса да, тоғызыншы сыныптан соң орта арнаулы білім ордасына кеткен жастар, биыл міндетті түрде ұлттық біріңғай тест тапсыратын болып шешілді. Алайда бұл талапкерлердің тесттегі тапсырмалары сәйкесінше бөлек болатын болды. Колледж студенттері үшін бөлек әдіс қолданылатын болады. Ал мектеп бітіруші түлектердікіне қарағанда жеңілдірек. Және олар бөлек тапсыратын болады. http://www.today.kz/kz/news/incident/2012-05-17/28082 Thu, 17 May 2012 12:55:00 +0600 Солтүстік Қазақстан облысының Жамбыл ауданында жасөспірім снарядқа ұқсас зат тапты, деп хабарлады облыстық ішкі істер департаментінің баспасөз қызметінен. Жамбыл ауданы, Екатериновка ауылының 17 жасар тұрғыны ауыл маңынан металл сынықтарын жинау кезінде снарядқа ұқсас металды затқа тап болды. Оқиға орнына жеткен СҚО ІІД «Арлан» мамандандырылған бөлімшесінің жауынгерлері табылған зат ескі үлгідегі артиллериялық снаряд екендігін анықтады. Снаряд ауылдан бірнеше шақырым жерде, далада жойылды. http://www.today.kz/kz/news/world/2012-05-17/28081 Толассыз жауған нөсердің кесірінен аймақтағы өзеннің суы рекордтық деңгей 30 метрге дейін жетті Thu, 17 May 2012 12:47:00 +0600 Бразилияның Амазонас штатындағы Манаус қаласын соңғы 100 жылдан бері болмаған алапат тасқын жайлады. Салдарынан жүздеген мың адам үйлерін тастап, қауіпсіз жерге көшуге мәжбүр болып отыр. Толассыз жауған нөсердің кесірінен аймақтағы өзеннің суы рекордтық деңгей 30 метрге дейін жетті. Мемлекет үкіметі ауа райының қолайсыздығының салдарымен күрес жұмыстарына 5 жырым миллион доллар жұмсаған екен. Ал штат билігі топаннан зардап шеккен тұрғындарға көмек ретінде 450 миллион доллар бөліпті. Кей болжамдарға қарағанда, елдің бұл бөлігіндегі күн райы маусымның соңына дейін өзгермейді. Ал Бразилияның солтүстік-шығысы болса, керісінше қуаңшылықтан жапа шегіп отыр. http://www.today.kz/kz/news/kazakhstan/2012-05-17/28080 Құқық қорғау органдары қызметкерлерінің аттестациясын өткізу жөніндегі жоғарғы аттестациялық комиссияның құрамына өзгерістер енгізілді Thu, 17 May 2012 12:36:00 +0600 ҚР президенті Нұрсұлтан Назарбаевтың жарлығымен құқық қорғау органдары қызметкерлерінің аттестациясын өткізу жөніндегі жоғарғы аттестациялық комиссияның құрамына өзгерістер енгізілді, деп хабарлайды nomad.suсайты. «ҚР президентінің 2012 жылдың 8 сәуіріндегі «ҚР құқық қорғау органдары қызметкерлерінің кезектен тыс аттестациясын өткізу туралы» жарлығына келесі өзгерістер енгізілсін . ҚР президентінің жарлығымен бекітілген ҚР президентінің жанындағы ҚР құқық қорғау органдары қызметкерлерінің кезектен тыс аттестациясын өткізу жөніндегі жоғарғы аттестациялық комиссия туралы ережеде 5 тармақ келесі редакцияда жазылсын: комиссияның төрағасы ҚР премьер-министрі болып табылады», - делінген бейсенбі күні сайтта жарияланған құжаттың мәтінінде. «ҚР президенті әкімшілігінің басшысы, төраға» жолын «ҚР премьер-министрі, төраға» деп жазылсын делінген. Аталған жарлықпен бекітілген ҚР құқық қорғау органдары қызметкерлерінің кезектен тыс аттестациясын өткізу шараларының жоспарында кезек номері 52-ші жолда «Мусин А.Е.» сөздері «Мәсімов К.Қ.» деп ауыстырылсын деп жазылған құжатта. № 323 жарлыққа 8 мамырда қол қойылған және ол қол қойылған күннен бастап күшіне енеді. Бұрын хабарланғандай, президенттің кезектен тыс аттестацияны өткізу туралы 8 сәуірдегі №292 жарлығына сәйкес, ҚР президентінің жанындағы ҚР құқық қорғау органдары қызметкерлерінің кезектен тыс аттестациясын өткізу жөніндегі жоғарғы аттестациялық комиссияның төрағасы болып ҚР президенті әкімшілігінің жетекшісі Аслан Мусин тағайындалған болатын.