Жұмаға қараған түні Сирияның астанасы Дамаск маңындағы палестиндік босқындардың лагеріне жасалған шабуылдан кемінде 15 адам қаза болған, олардың арасында 2 бала бар деп хабарлады бүгін Лондонда орналасқан Сирияның адам құқығын қадағалау жөніндегі орталығы.
Өткен түнде үкімет күштері Дамаскінің оңтүстігінде көтерілісшілерге қарсы операция жүргізгені туралы ақпарат тарады.
Бүгін БҰҰ-ның Бас Ассамблеясы Сириядағы жағдайды бейбіт жолмен реттеу туралы қарар жобасын талқылайды. Жобада Сирия билігінің адам құқықтарын бұзып отырғаны айтылған. Қарар жобасының қазіргі мазмұнымен Қытай және Ресей келіспейді.
сурет segodnya.ua сайтынан