Футболдан Қазақстан чемпионатының премьер-лигасында өнер көрсететін Оралдың «Ақжайығы» маусымашар ойынын 10 наурыз күні Көкшетауда «Оқжетпеспен» өткізеді.

«Ақжайық» футбол клубынан Арсен Ғұбашевтің хабарлағанындай, батысқазақстандықтар өз алаңындағы алғашқы матчында 18 наурызда «Атыраумен» күш сынасады.

Литвалық маман Сирмелис Саулюс жаттықтыратын оралдықтар қазіргі кезде Түркияда екінші жаттығу жиынын өткізуде. Командаға Павлодардың «Ертісінде» ойнаған қақпашы Антон Цирин қабылданса, тағы бірнеше футболшы «Ақжайық» құрамына кіруден үмітті. Олардың ішінде легионерлер де бар.