Биылғы жылдың 7 ақпаны күні British Council компания «Мұражайларды жаңғырту» үшжылдық жобасы аясында Қазақстанда тұңғыш рет қазақстандық мұражайлар туралы үштілді веб-сайтты іске қосатын болады.

Естеріңізге сала кетсек, «Мұражайларды жаңғырту» жобасы 2010 жылы мамыр айында басталған болатын. Оның «Мұражайдағы бірінші ай» деп аталатын алғашқы кезеңіне ағылшын тілін үйреніп жүрген Алматы қаласының ЖОО студенттері, сондай-ақ орыс тілін үйреніп жүрген британ студенттері  қатысып, бір ай бойы мұражай материалдарын орыс және қазақ тілдерінен ағылшын тіліне аударған болатын. Ал, ел Тәуелсіздігінің 20 жылдығына арналған «Онлайн мұражай» атты екінші кезеңде, ақпараттық технология факультеттерінің студенттері Қазақстандағы  мұражайлар туралы веб-сайтты дайындап отыр.