Кезектен тыс аттестаттау алдында құқық қорғау органдарының 26 маманы өз еркімен жұмыстан кетті. Бұл туралы Астанада өткен брифингте ҚР Президенті әкімшілігі құқыққорғау органдары бөлімі басшысы Алик Шпекбаев хабарлады.

«ЖАК қатаң талабын ескерген құқық қорғау органдарының 26 маманы атқарған лауазымдық қызметінен және құқық қорғау органдары жүйесінен өз еркімен жұмыстан шығуға өтініш жазды» деп атап өтті Шпекбаев.

Естеріңізге саламыз, республика бойынша 98 617 лауазымдық тұлға кезектен тыс аттестаттаудан өтеді.

Қазіргі уақытқа дейін ЖАК 9 отырысы өтіп, 349 маманмен әңгімелесу өткізілген, оның 280 аттестаттаудан өтті, оның ішінде 24 кадрлық резеровқа ұсынылды. Орталық комиссиядағы аттестация ағымдағы жылдың шілде – тамыз айларында өтеді, ал аймақтық комиссия ағымдағы жылдың шілдесі мен қарашасы арасында өткізіледі. Оның тоғызы орталық, ал 104 аймақтық комиссия.