«Мудис» (Moody's) халықаралық агенттігі сейсенбі күні Германияның алты банкінің кредиттік рейтингін төмендетті.

Агенттіктің таратқан мәлімдемесіне сәйкес, актив көлемі жағынан екінші орындағы Commerzbank AG рейтингі, сондай-ақ Unicredit Bank AG, DekaBank Deutsche Girozentrale, DZ BANK AG Deutsche Zentral-Genossenschaftsb, Landesbank Baden-Wuerttemberg и Norddeutsche Landesbank GZ-дің рейтингтері бір сатыға төмендетілген. Оған қоса «Мудис» осы банктердің басқа елдердегі филиалдарының да рейтингтерін түсіріпті. Жалпы алғанда, ГФР банктерінің басым көпшілігінің кредиттік жағдайы тұрақты, деп жазады ИТАР-ТАСС.

«Мудис» сарапшыларының айтуына қарағанда, рейтингті төмендетуге қайтарымсыз кредиттер бойынша банктердің тәуекелге бару мүмкіндігінің төмендеуі негзінде еуропалық қарыз дағдарысының күшеюі себеп болып отыр.

Соған қарамастан, агенттіктің мәлімдемесінде атап өтілгендей, Германия банктерінің кредиттік рейтингтері басқа еуропалық елдердің банктік рейтингтерімен салыстырғанда жоғары деңгейде сақталуда. Себебі елде жеке және заңды тұлғаларға жүктеліп отырған қарыз салмағы жеңілдеу, жалпы экономика жағдайы тұрақты және жұмыссыздық дәрежесі әлдеқайда төмен.