«Жұмыспен қамту - 2020» бағдарламасын үш бағытта жүзеге асыру аясында Шығыс Қазақстан облысында республикалық бюжеттен 4856,4 млн теңге игерілді, деп хабарлайды ШҚО Ақпараттық орталығының баспасөз қызметі.

«Бірінші бағыт бойынша кәсіптік білім беруде 2979 адам қамтылған. Біліктілікті жетілдіру курсын 723 адам, қайта дайындау курсын – 2739 адам бітіріп, олардың 2 153-і бос тұрған жұмыс орындарына орналастырылды. Ал 54 адам әлеуметтік салаға жұмысқа тұрды», - делінген таратылған хабарламада.

Сонымен қатар, ведомствоның мәліметтері бойынша, облыстың 672 кәсіпорны мен ұйымы қосымша жұмыс орындарын ашу жөнінде хаттамаға қол қойды. Әлеуметтік жұмыс орындарына барлығы 2465 адам жұмысқа орналастырылды.

BNews.kz сайтынан