Егер «Мен аңызбын» («Я – легенда»; I Am Legend) фильмінің жалғасы түсірілетін болса, Уилл Смит оған басты рөлді сомдаушы ретінде қатыспайтынын мәлімдеді. Бұл жайында Eurweb ресурсы хабарлайды.

«Мені көпшілік «сиквелдегі жігіт» деп танығандарын қаламаймын. Әрине мен әлі алты-жеті жылға дейін экранда жүгіріп, секіре аламын. Содан кейін карьерамның соңына дейін жалпайып отырамын», - деп әзілдеді актер, деп хабарлайды kinostan.kz.

Демек, Уилл Смит өзі түскен фильмдердің сиквелдерінде ойнаудан бас тартып отыр. Оның сөзін негізге ала отырып, жуық арада жалғасы түсіріледі деп жоспарланған «Хэнкок» («Hancock"), «Тәуелсіздік күні» («Independence Day») секілді фильмдерге актердің қатысуы екіталай деп қорытынды жасауға болады.

Еске сала кетелік, «Тәуелсіздік күні» («Independence Day») фантастикалық фильмі 3D нұсқамен 2013 жылы 3 шілдеде қайтадан жарық көреді.

bnews.kz сайтынан