Басты рөлдегі жас магты ойнаушы Дэниэл Рэдклифф рөлді орындап болғаннан кейін «Гарри Поттердің» кейбір сценаларында мас болып түскенін мойындады. Бұл туралы актер журналистерге берген сұхбатында мәлім етті.  

«Бұл нағыз мәселе болатын. Мен оның бүге-шігесін айтып жатпаймын, мен сол фильмге түскенде күнде мас болып жүрдім. Арақты күн сайын ішетінмін», - деген Рэдклиффтің сөзін Yтро.ru келтіріп отыр.

«Мен түсірілімге үнемі мас болып келіп жүрдім. Бірақ түсіру алаңында бірде бір рет арақ ішкенім жоқ», - деп атап өтті актер. Бірақ қандай сценаларда мас болып ойнағанымды өзім анық білемін, деп түйіндеді ол сөзін.

BNews.kz сайтынан